ارجع مدام القلب باقي يناديك

السلام عليكم ..





شلونكم شخباركم ..








تعــال قولي بس وشلــون اجازيـك
يعني تبيني صدق ابعـــد واخــونـك

مليت انا ياصـــاحبي مــن بلاويـك
وياما تحملت الــعنـــا مـن جنونـك

تجرح بقلبي وفــوق هــذا أداريــك
واقول ياقلبي عســـى الله بعـــونك

عـجزت لأرحل ياحبيبــــي وأخــليك
وعجزت أداوي في خفوقي طعونك

بعت الملى يادنيتي لجل اشـــــريك
وأرفعك عن كل الخلايق واصونك

واهــواك وأحبك وبالـروح افــديـــك
وان راح عمري يروح فدوة عيونك

ماعدت أفـكر غير وشلون الاقيك
ودي حياتي كلهـا وســـط كــونــك

واطير من فرحي اذا مر طـاريــك
حتى الدقـــايق دايمـآ يحــترونـــك

لا تسمع اللي في حبيبـك يعــاديك
وش مصلحتهم غير بس يعذلونك

واسمع كلامي بس واعدل خطاويك
ولا تتبـع اللـي بضـــيقتك يتـركـونك

تدري بقـلبــــي مابه اللـي يســاويك
وتدري أحبــك فــوق اكــبر ظــنونك

أرجــع مــدام القلـــب بــاقي ينــاديك
حـــرام أعيش العمر لحظــــه بدونك